Olga Novo, Premio Nacional de Poesía

                                                                                            Imaxe de VivaLugo 

  Olga Novo vén de gañar o Premio Nacional de Poesía polo seu libro Feliz Idade. Este premio, de ámbito estatal recae por segundo ano consecutivo nunha poeta galega (En 2019 foille concedido a Pilar Pallarés). Na rede, pero tamén na nosa biblioteca, podedes atopar algúns dos seus títulos. Se lle dades unha oportunidade, a poesía ha prender en vós. 

        “Agora 

    eu mírote extasiada mentres dormes 

    e disólvome no costro fulgurante 

    coma unha estrela que lle dera de mamar fósforo ao ceo. 

       E falo na linguaxe que non serve 

    no silencio da sílaba primeira: 

    deséxoche que sexas amada tolamente 

    e que ningún poder poida 

    amainar nunca 

    a túa 

    Feliz 

    Furia”. 

(Poema extraído da páxina Lecturafilia)